Դանիան թագավորություն է: Գտնվում է Արևմտյան Եվրոպայում: Դանիայի կազմի մեջ են մտնում նաև Գրենլանդիան և Ֆարերյան կղզիները: Արևմուտքից ողողվում է Հյուսիսային, արևելքից՝ Բալթիկ ծովերի ջրերով, Սկագերակ նեղուցով անջատվում է Նորվեգիայից, Կատեգատով և Էրեսունով՝ Շվեդիայից: Ձմեռը Դանիայում անկայուն է, մեղմ: Ամռանը համեմատաբար զով է: Շատ են անտառները, 12 տոկոսը անտառներ են: Երկրի 98 %-ից ավելին դանիացիներ են, բնակվում են նաև գերմանացիներ, շվեդներ, նաև հայեր և այլոք:
Դանիան բարձր զարգացած արդյունաբերական և գյուղատնտեսական երկիր է: Զարգացած են մեքենաշինությունը, նավաշինությունը, սարքաշինությունը: Զարգացած է երկրագործությունը, դրան նպաստում է մեղմ և խոնավ կլիման: Դանիայում հայերը սկսել են բնակություն հաստատել 1970-ական թվականներից: Ներկայումս Դանիայում բնակվում է 3 հազար հայ:
