Կանադացի վիրաբույժները վիրահատության ժամանակ իսկական ցնցում տարան: Երբ նրանք սկսեցին վիրահատությունը, պարզվեց, որ հիվանդի արյունը մուգ կանաչ գույնի է, ինչպես մեր մտացածին այլմոլորակայինների երակներում: Արյան հետազոտությունից պարզ դարձավ, որ հիվանդը տառապում էր սուլֆոհեմոգլոբինեմիայով: Այն առաջ է գալիս, երբ ծծմբի ատոմները միանում են արյան հեմոգլոբինի հետ և փոփոխում նրա կառուցվածքը, այդ թվում և՝ գույնը: Կանադացու մոտ հիվանդությունն առաջ էր եկել սումատրիպտանի՝ միգրենի դեմ դեղամիջոցների չարաշահման արդյունքում: Այս դեղամիջոցի ընդունումը դադարեցնելուց հետո հիվանդի արյան գույնը դարձյալ դարձավ կարմիր մի քանի շաբաթվա ընթացքում: Աղբյուրը`mamul.am
